10 октябрь кунининг биринчи ярмида Туркия пойтахти Анқара шаҳрида амалга оширилган теракт туфайли ҳалок бўлганлар сони 50 нафарни ташкил қилмоқда. Бу ҳақда SkyNewsArabia хабар берган.

Бундан аввалги хабарларда ушбу теракт қурбонлари сони 20 нафарлиги ва 126 киши жароҳатлангани айтилганди.

Эслатиб ўтамиз, Анқара марказида курдлар томонидан "Тинчлик ва демократия учун" шиори остида мамлакат ҳукуматига қарши норозилик намойиши учун йиғилган ҳудудда худкуш-террорист томонидан теракт содир этилди.

Турк ОАВларининг ёзишича, бу портлашлар Курдистон ишчилар партиясига нисбатан айрича муносабатлар кўрсатилаётганига норозилик сифатида "Тинчлик ва демократия учун" шиори остида ўтказилиши режалаштирилган намойиш арафасида содир этилди.

Курдларнинг сиёсий низоларни қораловчи HDP ташкилоти аъзолари шу йилнинг июнида Диёрбакирда амалга оширилган теракт туфайли ҳам жабрланишганди.

HDP етакчиси бу портлашларда расмий Анқарани айблаб чиққан.