EasyJet самолёти учувчилардан бири ҳушдан кетиши сабабли Венецияга фавқулодда қўндирилди. Бу ҳақда The Sun хабар бермоқда.

Самолёт Лондоннинг Гэтвик аэропортидан Крит оролидаги Ираклион шаҳрига парвозни амалга ошираётган эди. Иккинчи учувчи “авария тартиби”ни фаоллаштириб, самолётни муваффақиятли қўндирди.

Ҳушини йўқотган учувчи шифохонага етказилди. Шифокорлар унинг ҳолатини баҳолаб, ҳаётига ҳеч қандай таҳдид йўқлигини маълум қилишди.

Аввалроқ American Airlines авиакомпаниясининг учувчиси парвоз вақтида штурвалда ҳаётдан кўз юмгани хабар қилинган эди.