08:36 / 10.10.2015
4680

Dell XPS 12: 4K-ekranga ega bo‘lgan birinchi planshet-noutbuk

Dell kompaniyasi jahonda birinchilardan bo‘lib, gibridli, 4K-displeyga ega planshet va noutbukni taqdim etdi. 12,5-dyuymli InfinityEdge ekran rekord darajadagi 3840x2160 pikselli bo‘lib, chetidagi ramkalar deyarli sezilmaydi. Ekranga magnit yordamida klaviaturani ham ulasa bo‘ladi.

Qurilma 2 ga 1 turidagi 2,7 GGts li Intel Core M 6 chipi bilan jihozlangan, grafikasi Intel HD Graphics 515 ga taaluqli, operativ xotirasi 8 GB, qattiq diskda 128 GB yoki SDD-tashuvchida 256 GB ni tashkil etadi. Yangilik Windows 10 operatsion tizimida ishlaydigan OneNote dasturi va Microsoft Edge brauzeri stilusi bo‘lmish Dell Active Pen ni qo‘llab-quvvatlaydi. Planshet-noutbukda ikkita kamera mavjud: 8-mp li o‘rtada, 5-mp li orqa tomonda.

Bundan tashqari, Thunderbolt 3ning ikki porti — USB Type-C universal port va SD-karta rideri bor.
Dell XPS 12 ning rasmiy internet do‘konidan uni noyabr oyidan boshlab buyurtma qilish mumkin. Full HD ekranli model 999 dollarga aylanadi.
Dell shuningdek, XPS 13vai XPS 15 kabi ommaviy modellarni ham yangiladi. Ularning birinchisi Intel ning oltinchi avlodiga mansub protsessori, Intel HD Graphics 520 grafikasi, terabaytgacha bo‘lgan o‘lchamni qabul qila oladigan SSD-tashuvchisi, 16 GB operativ xotira va Thunderbolt 3 porti bilan jihozlandi.

Bu model ikkita variantda: QuadHD+ (3200x1800) tachskrinli va Full HD (1920x1080) ekranga ega sensorsiz chiqariladi. XPS 13 avtonom rejimda 18 soatgacha ishlay oladi,deb va'da bermoqda Dell.
Eng mustahkam, 15-dyuymli gibrid XPS ga 4K-ekranni o‘rnatish mumkin. Oltinchi avlodga mansub Core M chipi, NVIDIA GeForce GTX 960M grafikasi 2 GB li GDDR5 xotirasi bilan birga, 16 GB operativ xotira, 1TB hajmgacha ega qattiq disk yoki SSD-tashuvchisi unda mujassam. XPS 13 (799 dollardan) va XPS 15 (999 dollardan) buyurtmalar uchun tayyor qilib qo‘yilgan.

Top