"Челси" жамоасининг испаниялик ярим ҳимоячиси Сеск Фабрегас олти ой давомида автомобиль бошқариш ҳуқуқидан маҳрум бўлди.

У тезликни оширгани учун шундай жазога лойиқ топилди. Берилган хабарларга кўра, Англия шосселардан биридаги камерада футболчи 110 мил/ соат тезликда ҳаракатланганлиги кўрсатилган.

Қайд этилишича, ўша шосседа тезликни соатига 50 милдан оширмаслик кўрсатиб қўйилган.

Эндиликда Фабрегас ҳайдовчилик гувоҳномасидан айрилгани баробарида, 2560 фунт миқдорида жарима тўлаши керак бўлади.