Toro Rosso жамоаси пилоти Карлос Сайнс-кичкина Россиянинг Сочи шаҳрида "Формула-1" 15-босқичи доирасидаги Гран-Прида машғулот сессияси вақтида болиди билан аварияга учради.

Рейтер нашри маълум қилишича, испаниялик пилот 300 км тезликда ҳаракатланиш чоғида бошқарувни йўқотиб, йўлка четидаги тўсиққа бориб урилган.

Маълум қилинишича, унинг болиди электроник болид эди.

Бу воқеадан сўнг, трассада дарҳол қизил байроқ кўтарилган ва сессия тўхтатилган.

21 ёшли спортчи шифохонага олиб кетилган ва тиббий текширувдан ўтказилиш арафасида. Агентлик хабарига кўра, унинг Россиядаги Гран-Прида иштирок эта олмаслиги маълум бўлиб улгурган.

"Сайнс ҳушига келди. У энди тиббий текширувдан ўтказилади. Шундан сўнг батафсил маълумот берамиз", деб маълум қилган Автоспорт бўйича халқаро федерация матбуот хизмати.

Маълумот учун, Сочида иккинчи марта "Формула-1" Гран-Приси ўтказилмоқда. Ўтган йили Сочидаги мусобақаларда британиялик Льюис Хэмильтон ғолиб чиққанди.

10 октябрь куни саралаш босқичи ўтказилиши белгиланган. Асосий пойгалар 11 октябрь куни бошланади.