Новак Жокович ва Рафаэль Надаль Ролан Гаррос-2014 турниридан бери илк бор АТР мусобақасида бир-бирларига қарши ўйнашади.

Мусобақанинг биринчи финалчиси ушбу мавсумда уч бор енгилган италиялик Фабио Фоньинини 7:5, 6:3 ҳисобида мағлуб этган испаниялик ракетка устаси Рафаэль Надаль бўлди.

АТР рейтингида етакчилик қилаётган Жокович эса Испаниянинг бошқа вакили Давид Феррерани қийинчиликсиз мағлуб этди: 6:2, 6:3.

Эслатиб ўтамиз, Жокович ва Надаль ўтган мавсумдаги йирик турнирларда икки бор тўқнаш келишган, ҳар икки учрашувда ҳам Новакнинг қўли баланд келган эди.