Қўшиқчилар Кэти Перри ва Кристина Агилера демократлар партиясидан АҚШ президентлигига ўз номзодини қўйган Хиллари Клинтонни қўллаб-қувватлашликларини маълум қилди, деб ёзади The Hollywood Reporter.

Кристина Агилера ва унинг турмуш ўртоғи Мэттью Ратлер шу масала юзасидан Клинтонларнинг Лос-Анжелесдаги уйида маблағ тўплаш маросимини ўтказишди.
Маълум бўлишича, АҚШ собиқ давлат котибининг Лос-Анжелесдаги ташрифига кўплаб машҳур кишилар қатнашган. Клинтон хонимни қўллаб-қувватлаш ишларига Кэти Перри ҳам қўшилган. У бир пайтлар АҚШнинг ҳозирги президенти Барак Обамани ҳам қўллаб-қувватлаб чиққан эди.