Клуни ва Йоханссон иштирокидаги "Салом, Цезарь!" фильмининг илк трейлери чиқарилди

Маданият 10 Октябрь 2015 2277

Universal киностудияси Итан ва Жоэль Коэн томонидан ишланган, Голливуднинг машҳур икки актёри, Жорж Клуни ҳамда Скарлетт Йоханссон рол ижро этган "Салом, Цезарь!" номли кинокомедия учун илк трейлер чиқарди.

Cinemablend нашри хабарига кўра, бу фильм кейинги йилнинг февралида кинопрокатга чиқарилади.

Фильм сюжетига кўра, Жорж Клуни яратган қағрамон "Салом, Цезарь!" номли тарихий фильмда суратга тушишга тайёрланаётган вақтда жиноятчилар гуруҳи томонидан ўғирлаб кетилади. Ушбу фильм режиссёрини гавдалантирган Жош Бролин эса ўз фильмини суратга олиш ишларини давом эттириш учун уни қутқаришга ҳаракат қилади.

Ушбу фильмда Клуни ва Бролиндан ташқари, Рэйф Файнс, Скарлетт Йоханссон, Тильда Суинтон ва Ченнинг Татум каби таниқли актёрлар ҳам иштирок этишган.

Ушбу фильм ижодкорлари Итан ва Жоэль Коэн замонавий Голливуднинг энг фаол ва ҳурмат қозонган режиссёрлари ҳисобланишади. Улар 4та "Оскар" мукофотига лойиқ кўрилишган. Хусусан, 2007 йилда "Бу ер қарияларнинг жойи эмас" фильми учун, "Энг яхши фильм", "Энг яхши режиссёрлик иши", "Энг мос сценарий" йўналишларида, 1996 йилда эса "Фарго" фильми учун "Энг оригинал сценарий" йўналишида.

Ака-ука режиссёрлар 10 марта Америка киноакадемияси томонидан тақдирланишган.

Шунингдек, Коэнлар Канн фестивалида "Бартон Финк" фильми учун "Олтин пальма япроғи" мукофотини қўлга киритишган. Уларга Канн фестивалида "Фарго" ва "Аслида бўлмаган инсон" фильми учун "Энг яхши режиссёрлик" йўналишида тақдирланишган.

2015 йилда улар Канн кинофестивалининг ҳакамлари сафида бўлишди.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 27415 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14441 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 55618 Жамият
Мадуро Венесуэладаги сиёсий инқирозни фақат тинч йўл билан ҳал қилиш мумкинлигини айтди
23:36 16 Жаҳон
Миробод бозорида пулларни нақдловчи банкомат ишга тушди
23:18 810 Жаҳон
Эрдўған Туркия Сурия шимолида сохта давлат яратилишига ижозат бермаслигини айтди
23:04 665 Жаҳон
Финляндиядаги ҳайвонот боғида ноодатий лавозим таклиф қилинмоқда
22:51 537 Жаҳон
Маошни оширишни қачон сўраган маъқул?
22:47 1843 Lifestyle
Дайжест: Пахта мавсумидаги ўзгаришлар, Президент ижтимоий тармоқларда, АҚШда Қуёш қандай тутилди ва бошқа хабарлар
22:05 4364 Жаҳон
Xiaomi янги ҳамёнбоп смартфонини тақдим этди
Кўпроқ янгиликлар