10 октябрда Ирландиянинг пойтахти Дублиннинг жанубий қисмида содир бўлган кучли ёнғин оқибатида камида 9 киши, жумладан ёш болалар ҳалок бўлди, деб хабар бермоқда RTE давлат телерадиокомпанияси.

Қайд этилишича, ёнғин маҳаллий вақт билан тонгги соат 4.30 лар атрофида, бир неча ўн киши вақтинчалик яшаётган Irish Traveller Movement жамияти биносида содир бўлган.

Воқеа жойига 6 та ўт ўчириш машинаси, қутқарув хизматлари ва шифокорлар етиб келган.

Маълум қилинишича, ҳалок бўлганларнинг аксарияти икки оила аъзолари бўлган. Жароҳат олган ва ис гази билан заҳарланган бир неча киши маҳаллий шифохонага жўнатилган.

Ҳуқуқ-тартибот муассасалари ходимлари ёнғин сабабларини тергов қилишни бошлашган.