Ўзбекистон терма жамоасининг собиқ футболчиси Дилмурод Назаров 39 ёшида вафот этди

Спорт 10 Октябрь 2015 11449

Ўзбек футболи яна бир оғир жудоликка учради. Бугун, 10 октябрь куни Ўзбекистон миллий терма жамоасининг собиқ футболчиси Дилмурод Назаров 39 ёшида бу ёруғ оламни тарк этди.

Кун.уз сайтининг барча ходимлари марҳумнинг яқинлари, хусусан унинг акаси, яна бир собиқ футболчи Ёрқин Назаровга чуқур ҳамдардлик билдиради. 

Марҳумнинг жанозаси бугун аср намози маҳалида ўқилган.

Маълумот учун, 1976 йилнинг 12 апрелида туғилган Дилмурод Назаров профессионал футболчилик фаолиятини 1992 йил "Пахтакор" сафида бошлаган. Икки йил давомида ушбу клуб шарафини ҳимоя қилган футболчи Ўзбекистон чемпиони (1992) ва Ўзбекистон кубоги (1993) соҳибига айланган.

1993 йилда Қозоғистоннинг "Ордабаси" клубида ўйнаб яна "Пахтакор"га қайтган Дилмурод Назаров 3 йил давомида "шерлар" сафида яна чемпион (1998) ва кубок соҳиби (1997) бўлди. 1995 йилда Ўзбекистоннинг энг яхши футболчиси сўровномасида 2-ўринни эгаллади.

1999 йилда Тошкентнинг "Трактор" ва Чимкентнинг "Ордабаси" клубида фаолият олиб борди.

Кейинги йил "Пахтакор"да, 2001 йилда эса "Сурхон" клубида ўйнаган. Қисқа муддат Қозоғистоннинг "Тароз" жамоаси шарафини ҳимоя қилган. Қозоғистонда "Қайсар", "Ясси Сайрам" ва "Ордабаси" каби клубларда ўйнади.

2006 йилда Наманганнинг "Навбаҳор" клуби сафида ўйнаб, мавсум сўнгида футболчилик фаолиятини якунлаган.

Марҳум футболчи Ўзбекистон миллий терма жамоаси сафида 1995-1997 йилларда 10та ўйинда майдонга тушган. 1996 йилда Осиё Кубогида иштирок этган.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 24973 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 54854 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 65315 Жамият
Янги iPhone нефть ва қайин қобиғидан ясалган корпусга эга бўлади
Саудия Арабистони ва Хитой 20 млрд долларлик инвестиция жамғармасини ташкил этади
Хитой шимолида жуда йирик газ кони топилди
15:34 199 Жаҳон
Қатар Россия билан ҳарбий-техник ҳамкорлик тўғрисида битим тузиши мумкин
15:24 506 Жаҳон
Қозоғистон БМТ Хавфсизлик Кенгашини ислоҳ қилиш таклифи билан чиқди
15:22 352 Жаҳон
Ўзбекистон ва Ҳиндистон ўртасида 150 млн долларлик 42та ҳужжат имзоланди
АҚШ ҳукумати Amazon’нинг 13,7 млрд долларлик харидини маъқуллади
Кўпроқ янгиликлар