Ўзбекистонда қишлоқ хўжалик техникаларида сиқилган табиий газдан фойдаланишга ўтиш бўйича синов дастури амалга оширилмоқда, дея хабар берди Sputnik Қишлоқ ва сув хўжалигидаги ахборот манбасига таянган ҳолда.

Унинг сўзларига кўра, ўзбек томони Жанубий Кореянинг KNM-Tech компанияси билан тракторларда солярка ўрнига сиқилган табиий газдан фойдаланиш бўйича шартнома имзолади.

“Айни пайтгача "Далварзин таъмирлаш" заводида синов лойиҳаси доирасида Тошкент трактор заводида ишлаб чиқарилган 20та тракторни қайта жиҳозлаш ишлари амалга оширилди. Улар зарурий сертификатлашдан ўтказилиб, пойтахт вилояти далаларидан синовдан ўтказилди”, - дейди ахборот манбаси.

Синовлар мазкур техникаларнинг самарадорлигини кўрсатди. 8 соат ичида битта трактор солярка билан ҳаракатланадиган намунасига қараганда 150 минг сўм иқтисод қилишга эришди. Бу эса қайта жиҳозлаш ҳаражатларининг қопланиши учун 150 кун кифоя қилишини англатади.

Ахборот манбасининг сўзларига кўра, бунда бир муҳим муаммо – техникага даланинг ўзида қандай қилиб газ қуйиш масаласини ҳал этиш лозим.

Мазкур масаланинг ечимини корейс мутахассислари таклиф қилишди. Улар техникага даланинг ўзида газ қуйишга мўлжалланган илк мобиль газ қуйиш станциясини келтиришди.

Заводнинг яқин вақтдаги режасидан Т135 New Holland ва Orion тракторларини қайта жиҳозлаш ҳамда мобиль газ қуйиш станцияларини ишлаб чиқаришни маҳаллийлаштириш масаласи ўрин олган.