Россия президенти Владимир Путин Туркиядаги бугунги терактларни фитна деб атади. У бу ҳақда шанба куни тележурналист Владимиру Соловьевга берган интервьюсида гапириб ўтди.

"Фурсатдан фойдаланиб, Туркияда бўлган воқеалар юзасидан бутун турк халқига ва Туркия президентига ўз ҳамдардлигимни билдираман. Бу, албатта, ортидан кўп қурбонлар олиб келган ошкора террорчилик ҳужужмидир. Қолаверса, бизга дўст бўлган давлатнинг, сайловолди кампанияси бошланаётган бир пайтда, бошқарув тизимини издан чиқаришга бўлган уринишдир", - деди РФ президенти. "Бу очиқ-ойдин фитнадир", - қўшимча қилди Путин.

У яна шуни таъкидладики, терроризмга қарши курашда самарага эришишнинг ягона йўли, унга қарши кучларни бирлаштириб ҳаракат қилишдир. "Бу қабиҳликка қарши кучларни бирлаштириб ҳаракат олиб бориш зарур ", - деди Путин. "Бу ишлар қачон самарали бўлади, қачонки биз бирлашиб ҳаракат қилсак", - дея таъкидлаган РФ президенти.