Туркия махсус хизматлари Анқарадаги “Меҳнат, тинчлик, демократия” намойиши иштирокчилари тўпланиши жойида содир этилган портлашлар террорчи-худкушлар томонидан амалга оширган, деб ҳисобламоқдалар. Бу ҳақда турк махсус хизматларидаги юқори лавозимли манбалар Reuters ахборот агентлигига маълум қилди. 

Охирги маълумотларга кўра, портлашлар оқибатида 86 киши ҳалок бўлган, яна 186 киши яраланган, жумладан 26 нафар киши оғир жароҳатлар олган.
Теракт гувоҳлари Twitter ижтимоий тармоғида портлашлар тасвирланган видеони чоп этганлар. Турк телеканалларига портлаш видеолавҳаларини эфирда кўрсатиш тақиқлаб қўйилди.
Махсус хизматлар маълумотига кўра, портлашлар оқибатида бирорта ҳам автомобиль шикастланмаган.

Туркия бош вазири Аҳмед Довудўғлу портлашлар туфайли Хавфсизлик кенгашининг шошилинч йиғилишини ўтказди. Йиғилишда Анқара мэри Мелих Гекчек, Туркия Соғлиқни сақлаш вазири Мехмет Муаззинўғлу, Ички ишлар вазири Саломи Алтинок ҳамда махсус хизматлар вакиллари иштирок этишди.

Ҳозирча ҳеч қайси бир гуруҳ теракт учун жавобгарликни ўз зиммасига олмади