Хитой ҳукумати АҚШ илтимосига кўра бир гуруҳ хитойлик хакерларни ҳибсга олди, деб хабар бермоқда The Washington Post нашри.

Нашрнинг маълумотларига кўра, АҚШ махсус хизматлари хакерлар рўйхатини тайёрлаб, уни Хитойга топширган. 

“Биз улар бунга жиддий муносабатда эканликларини билишимиз керак эди. Уларга рўйхатни бердик ва “Мана бу йигитлар. Уларни ҳибсга олинг”, дедик”, дейилмоқда хабарда.

Ҳибсга олинганларга тижорий жосусликда айблов қўйилгани айтилмоқда.

Аввалроқ Хитой раиси Си Цзиньпин АҚШ билан кибержиноятларга қарши кураш масалаларида ҳамкорлик қилиш режаларини маълум қилганди.