Гватемаланинг Санта-Катарина-Пинула шаҳрида содир бўлган кўчки қурбонлари сони 270 нафарга етди, дея маълум қилди якшанба, 11 октябрь куни мамлакат бош прокурори ўзининг Twitter`даги микроблогида.
Табиий офатлар оқибатларига қарши курашиш координацион миллий маркази маркази маълумотларига кўра, ҳали 350 нафардан зиёд киши тупроқ уюмлари остида ётган бўлиши мумкин, дея хабар қилди DPA агентлиги.
Табиий офат 1 октябрь куни содир бўлди. Ҳозиргача қадар ҳодиса жойи тупроқ уюмларидан тозаланмаган. Минглаб тонна тупроқ остида 125та турар-жой биноси мавжуд. Қидирув-қутқарув ишлари давом эттирилмоқда. Амалдорлар қутқарув ишлари душанба, 12 октябрь куни ниҳоясига етказишни режалаштирмоқда.
Маҳаллий ҳукумат қидирув ишлари олиб борилаётган ҳудудда қайтадан ер ўпирилишлари содир бўлиши мумкинлигини истисно қилишмаяпти.