Камерун шимолида содир бўлган икки портлаш оқибатида ҳаётдан кўз юмганлар сони 11 кишига етди, дея хабар берди Reuters.

Ҳодиса Мора шаҳрида содир бўлди. Ҳалок бўлганлар билан бир қаторда, 10 киши жароҳат олди.

Ҳозирча маълум бўлгани шуки, теракт террорчи-худкушлар томонидан амалга оширилди.
Айни пайтда портлаш учун ҳеч қайси гуруҳ жавобгарликни ўз зиммасига олгани йўқ. Бироқ тахминларга кўра, улар ҳудуддаги “Боко Харам” гуруҳи билан боғлиқ.