НАТО мамлакатлари, шу жумладан, британиялик “Торнадо” кўп мақсадли қирувчилари ҳарбий учувчиларига Ироқ ҳаво кенгликларида “улар ҳаётига таҳдид” туғилган тақдирда, Россия ҳарбий самолётларига ҳужум қилишга рухсат берилди.
Бу ҳақда Лондоннинг Daily Star Sunday якшанбалик газетаси бирлашган қироллик мудофаа вазирлигидаги ахборот манбасига асосланиб хабар қилди.
Шу билан биргаликда, “британ ҳарбий-ҳаво кучлари учувчиларига Россия қирувчилари билан ҳар қандай алоқага киришишдан қочиш топшириғи берилган”, дея қайд этмоқда нашр.
Қироллик ҲҲКнинг “Торнадо” самолётлари ҳаво-ҳаво синфига оид ракеталар билан таъминланган бўлиб, улар орқали ўзини дўстона тутмаган Россия самолётларига ҳужум қилишга ижозат берилган”, - дейилади хабарда.
“Британ вазирлари Яқин Шарқдаги вазият Россия ҳаракатлари туфайли “анчагина хавфли” бўлиб қолгани тўғрисида огоҳлантирилганидан сўнг ушбу қадам ташланди”, - дейилади материалда.
Ахборот манбасининг сўзларига кўра, самолётлар овоз тезлигида парвоз қилаётган вақтда ҳаво кенгликлари жуда тор бўлиб қолиши, шу сабабли тўқнашувлар юзага келиши ёки Россиялик учувчи хатолик туфайли ўт очиши мумкин.