Анқарадаги терактни қоралаб 10 октябрда Париж кўчаларига аксарият қисми курдлардан иборат бўлган минглаб намойишчилар чиқдилар.

Намойиш Парижнинг Республика майдонида полицияни расмий огоҳлантирмаган ҳолда бўлиб ўтди.

Намойишнинг бош ташкилотчиси бўлган Демократик иттифоқ курд партиясининг француз бўлимида берилган баёнотда партия бўлими “Анқарада содир этилган қабиҳ ва жирканч терактни кескин қораламоқда”. “Туркия халқлари тинчлик учун курашаётган барчага қарши қаратилган бундай тажовуз билан ўзларини қўрқитишга йўл бермайдилар”, дейилмоқда баёнотда.

Шунингдек, курдлар намойишлари катта курд жамоатчилиги яшайдиган Марселда ҳам бўлиб ўтди. 400 дан кўпроқ одам Страсбург кўчаларига чиқди. Улар теракт қурбонлари хотирасини бир дақиқалик сукут сақлаш билан ёд этдилар.

Террорчиларга қарши қаратилган янги митинг ва намойишлар 11 октябрда Париж, Лион ва Тулуза шаҳарларида бўлиб ўтади.