Россия президенти Владимир Путин АҚШ разведкаси дунёда энг яхшилардан бири эканлигини, бироқ у ҳам ҳамма нарсани билавермаслигини айтди, деб хабар бермоқда РИА “Новости” ахборот агентлиги.

“Келинг АҚШ разведкаси томон тош отмайлик. У дунёдаги энг кучли разведкалардан бири, бироқ у ҳам ҳамма нарсани билавермайди”, деб айтди Путин “Россия 1” телеканали эфирида бошловчи Владимир Соловьевнинг Сурияда Россия ракеталари учирилгандан кейин АҚШ разведкаси ишлашдан тўхтагани ҳақидаги гапларига жавобан.

Путин Россия Сурияда ИШИДга қарши юқори аниқликдаги қурол-аслаҳа, хусусан қанотли ракеталар қўллаганини таъкидлаб ўтди.

“Бу ракеталар яқиндагина, 2012 йилдан қуролланишга олинган. Уларнинг учиш узоқлиги 1,5 минг км ни ташкил қилади, улар юқори технологик, юқори аниқликдаги замонавий қурол-аслаҳа. Биз Россия армиясини нафақат бундай ракеталар, балки энг янги авлоддаги ер усти, авиация техникаси билан қайта қуроллантиришни режалаштирмоқдамиз. Булар мураккаб мажмуалардир ва амалиётнинг кўрсатишича, жуда ҳам самаралидир”, деб айтди Путин.