Россия президенти Владимир Путин АҚШнинг Россияга ИШИД ҳақида маълумотларни тақдим қилишдан бош тортаётгани сабабларини тушуна олмаётганини айтди, деб хабар бермоқда РИА “Новости” ахборот агентлиги.

Бу ҳақда Путин “Воскресный вечер с Владимиром Соловьевым” теледастури эфирида таъкидлаб ўтди.

“Бизга нишонларни беринг дедик. Улар рад жавобини беришди. Биз бундай шароитда ишлай олмаймиз”, деб таъкидламоқда Путин.

Путин АҚШнинг рад жавобини бериши сабабларини тушунмаётганини айтиб ўтди. “Агар улар ҳақиқатда яхшироқ билсалар ва террорчилик билан курашишни истасалар нега бундай қилаётганлари тушунарсиз. Афсуски, ҳозирча биз ҳамкорликдаги ишнинг бундай даражасига етмадик”, деб таъкидлаб ўтди Путин.