Россия президенти Владимир Путин Россиянинг Суриядаги операциялари муддати суриялик ҳарбийларнинг ҳужумга ўтишлари операциялари билан чекланади, деб хабар бермоқда РИА “Новости” ахборот агентлиги.

Бу ҳақда Путин “Воскресный вечер с Владимиром Соловьевым” теледастурига берган интервьюсида айтди.

“Биз ўз бўйнимизга ортиқча мажбуриятларни ололмаймиз ва ҳеч қачон олмаганмиз. Мен бошидан айтганман, бизнинг Суриядаги ишимизнинг фаол босқичи вақт бўйича Сурия армияси ҳужумга ўтиш операциялари муддати билан чекланади”, деб таъкидлаб ўтди Путин.

Путин, шунингдек, Россия Суриядаги динлараро ихтилофларга аралашишни истамаётганини ҳамда ҳеч кимни шиалар ва суннийларга ажратмаслигини айтди. Путин Москва Сурияда шиалар тарафида суннийларга қарши курашаётгани ҳақидаги тахминни “ёлғон-яшиқ гап” деб айтди.