Россия ҳарбийлари Сурияда жангарилар позицияларига қарата авиазарбалар беришда давом этмоқда, дея хабар қилди “Интерфакс”.

“Россия зарба гуруҳларини ҳаводан доимий асосда Су-30 қирувчилари ҳимоя қилиб келмоқда. «Хмеймим» авиабазасидан Хама, Латакия, Идлиб ва Раккадаги 63та объект томонга Су-34, Су-24м ва Су-25СМ самалётларининг 64 марта парвози амалга оширилди. Ҳарбий вазифа бажарилганидан сўнг Сурия Араб Республикасидаги Россия авиагуруҳининг барча самолётлари «Хмеймим» авиабазасига муваффақиятли қайтиб келишди”, - деди Мудофаа вазири вакили Игорь Конашенков.

Унинг қайд этишича, бир кун ичида Россия авиагуруҳи мустаҳкамланган туманда ИШИДнинг 54та объекти, жумладан, битта дала қўмондонлиги пункти, тўртта лагер, еттита ўқ-дори омбори, артиллерия ва миномёт батареялари йўқ қилинди.

“Тутилган радиоалоқа хабарлари маълумотлари ИШИД террористик ташкилотининг жангарилари ўртасида саросима кайфияти ортиб бораётганини кўрсатмоқда”, - дея қўшимча қилди Игорь Конашенков.