Россия Ҳаво-космос кучлари Суриянинг Хама провинциясида террористларнинг Ачана туманида жойлашган муҳандислик иншоотлари, ўқ-дори омборхоналари ва моддий-техник таъминотини йўқ қилди.
Бу ҳақда Россия Мудофаа вазирлиги маълумотига асосланиб РИА “Новости” агентлиги хабар қилди.
Эслатиб ўтамиз, 10 октябрда Россия самолётлари бир кун ичида Суриядаги ИШИД жангариларининг 55та объектига 64 марта ҳарбий парвозни амалга оширгани хабар қилинган эди. Жумладан, Су-34 бомбардимончиси томонидан Ракка ва Алеппо вилоятларидаги ИШИД марраларига БЕТАБ-500 бетон емирувчи бомбаси ташланган.