Урганч шаҳридаги Region Gaz Qurilish Savdo МЧЖ раҳбари Х. Дурдиев прокуратура томонидан молиявий жиноятларда айбланди. Бу ҳақда “Ҳуқуқ” нашри ёзмоқда.
Айтилишича, Х. Дурдиев МЧЖга тегишли ҳар хил турдаги маҳсулотларни 1.2 млрд сўмга нақд пулга сотиб юборган. Шунингдек, у 1.4 млрд сўмлик сифат сертификати бўлмаган турли маҳсулотларни корхона ва ташкилотларга ҳамда аҳолига улгуржи тартибда сотиб юборган ва ушбу жараёнда расмийлаштирилган бухгалтерия ҳужжатларини яширган.
Текширув давомида аниқланган камчиликлар натижасида Х. Дурдиев жиноий жавобгарликка тортилди.