АҚШда Southwest Airlines авиакомпаниясининг юзлаб рейслари компания компьютер тармоғидаги техник носозлик сабабли ушланиб қолмоқда, дея хабар қилди Ассошиэйтед Пресс агентлиги.

Авиакомпания вакиллари йўловчиларни аэропортга ортиқча икки соатча захира вақти билан келиш ҳақида огоҳлантирди. Айни пайтда носозлик сабаблари аниқлаштирилгани йўқ, бироқ компания вакиллари бир қатор тахминлар ичида хакерлар ҳужумини мустасно қилишмоқда. Техник мутахассислар эса носозликни бартараф этиш ишлари билан банд.

Лос-Анджелес халқаро аэропортида авиакомпания ходимлари йўловчиларга қўниш талонини қўлда топшираётгани аэропорт залларидан узун навбатларнинг пайдо бўлишига олиб келмоқда. Шу сабабдан йўловчилар ўз парвозларини узоқ вақт кутишга мажбур бўлаяпти.

Хабарларга кўра, техник носозлик туфайли бутун АҚШ бўйлаб авиакомпаниянинг 450дан зиёд рейслари ушланиб қолган.
Йўловчиларни рўйхатдан ўтказиш тизимидаги носозликнинг қачон бартараф этилиши ҳақида ахборот берилгани йўқ.