Теҳрон суди Washington Post газетаси журналисти Жейсон Ризоённи жосуслик жинояти амалга оширишда айбдор деб топди ва жазога тортди.

Ушбу журналист 1 йил олдин ҳибсга олинганди.

Маҳкум қилинувчи АҚШ ва Эрон фуқаролигига эга ҳисобланиб, у 2012 йилдан буён Washington Post газетасининг Теҳрондаги бюросида раҳбарлик қилиб келарди.

Унга "душман давлат билан ҳамкорлик қилиш" айби қўйилган.

Суд иши тафсилотлари маълум қилинган. Журналист шикоят билан мурожаат қилиши мумкин.

Washington Post газетаси суд қарорини "тушунарсиз" деб баҳолаган.

Ризоённинг ҳамкасблари унга айб қўйилишидан олдин тиббий ёрдам кўрсатилганига эътибор қаратишган. Уларнинг фикрича, тергов вақтида куч ишлатилган.

Журналистлар шунингдек, айбланувчига ҳуқуқшунос хизматидан фойдаланиш имкони берилмагани ва суд вақтида унга асоссиз айблар қўйилганини иддао қилишган.

АҚШ ҳукумати Ризоённи қутқариш масаласини Эрон билан ядровий дастур бўйича музокаралар доирасида муҳокама қилишга уринган, лекин эронликлар бу таклифни рад этишган.