Европада хавфсизлик ва ҳамкорлик ташкилотининг халқаро кузатувчилари Беларусда бўлиб ўтган президентлик сайловларини нодемократик деб топишди. Бу ҳақда Reuters агентлиги хабар бермоқда.

“Беларусь демократик ўзгаришлар сари узун йўл босиши лозимлиги тамомила аниқдир. Яқинда сиёсий тутқунларнинг озод қилиниши ва сайловларга халқаро кузатувчиларнинг жалб қилиниши ижобий силжишлардир.

Шунга қарамай, сезиларли прогрессни қайд қилмадик”, - деди делегация раҳбари Кент Хатстед.
Эслатиб ўтамиз, сайловларда амалдаги президенти Александр Лукашенко 83.49 фоиз овоз тўплаган.