Дунёдаги мураккаб геосиёсий вазият туфайли Европада хавфсизлик ва ҳамкорлик ташкилотида Совуқ уруш йилларидан буён кузатилмаган даражадаги жиддий бўлиниш юзага келди. Буни ташкилоти бош котиби Ламберто Занньер тан олди.

“Сиёсий нуқтаи назардан биз ташкилотимиз доирасида жиддий бўлиниш юзага келаётганини кузатиб турибмиз. Бу жуда сезиларли. Биз уни Совуқ уруш йилларидан буён кўрганимиз йўқ”, - деди у кенгайтирилган йиғилиш чоғида.

Унинг сўзларига қараганда, ташкилот раҳбарияти бундай бўлинишнинг давом этишига қарши чоралар кўрмоқда.