Фижи республикаси парламенти Жиожи Конуси Конротени мамлакатнинг янги президенти этиб сайлади. Бу ҳақда Radio New Zealand хабар қилди.
Конроте давлатнинг биринчи рақамли шахсига айлангунига қадар бандлик, меҳнат самарадорлиги ва меҳнат муносабатлари масалалари бўйича вазир лавозимида фаолият кўрсатиб келган.

Унинг номзоди учун 31 депутат овоз берди, 14 нафари қарши чиққан бўлса, уч киши бетарафлигича қолган.
Қайд этилишича, қоидага биноан, бўшаб қолган вазир лавозимини оммавийлиги бўйича иккинчи ўринни эгаллаган, айни пайтда ўзи эгаллаб турган мансаб – Мудофаа вазирлигидан воз кечишни истамаётган номзод эгаллаши керак.

Агарда у янги лавозимга ўтирмаса, Контроненинг аввалги мансабини учинчи номзод – спорт журналисти Матай Акаула эгаллайди.