Жанубий Кореянинг Hyundai Motor Co. автомобиль ишлаб чиқарувчиси 2016 йилда ўзининг биринчи электромобиль моделини ишлаб чиқаришни режалаштирмоқда. Бу ҳақда Рёнҳап агентлиги тадбиркорлар доирасидаги ахборот манбасига асосланиб хабар қилди.

Хэчбэк турига мансуб кузовли ихчамгина AE моделининг дастлабки намунаси компанияда 2015 йилнинг охирига қадар пайдо бўлиши керак эди, бироқ ушбу муддат Чежудо оролидаги халқаро электромобиллар кўргазмасида намойиш этилиши учун келгуси 2016 йилнинг мартига қадар ортга сурилди.

Тўлиқ электр билан ҳаракатланувчи автомобилини яратар экан, Hyundai Motor Co. Япониянинг Toyota компанияси билан ҳамкорлик қилишга ҳаракат қилмоқда.
Рёнҳап агентлигининг қайд этишича, Чежудо оролида бўлиб ўтадиган кўргазмада Хитойнинг BYD компанияси ҳам бир марталик қувват билан 400 километргача масофани босиб ўтадиган электромобилини тақдим этишни режалаштирган.