Ҳурматли ўқувчилар, эътиборингизга юртимизга оид бўлган, 12 октябрь куни рўй берган энг асосий янгиликларни такроран ҳавола этамиз.

Ислом Каримов Анқарадаги теракт муносабати билан ҳамдардлик билдирди>>

2015 йилнинг 12 октябрь куни Туркия Республикасининг Тошкент шаҳридаги элчихонасида Ўзбекистон Республикаси Ташқи ишлар вазирлиги номидан Ҳамдардлик китобига қайд киритилди.

Қирғизистон Ўзбекистон билан чегарада янги санитар назорат пунктини очади>>

Ўзбек-қирғиз чегарасида янги “Қора-суу” санитар назорат пункти очилади. Бу ҳақда Киртаг Қирғизистон Республикаси бош вазири ўринбосари Валерий Диль маълумотига асосланиб хабар қилди.

Ўзбекистонлик фуқаро номига хориждан 27 дона диний мазмундаги китоблардан иборат почта жўнатмаси юборилганлиги аниқланди>>

Тошкент шаҳар божхона бошқармаси ходимлари турли хил диний мазмундаги материалларнинг ноқонуний олиб ўтилишига чек қўйишди. Бу ҳақда Давлат божхона қўмитасининг ахборот хизмати маълум қилган.

ИИВ Қоровул қўшинлари штабида ўзгаришлар содир бўлди>>

ИИВ Қоровул қўшинлари штабида ўзгаришлар содир бўлди. Бу ҳақда “Постда” газетаси хабар бермоқда.

«Россия 1» телеканалида тез орада Ўзбекистон ҳақидаги кўп қисмли сериал эфирга узатилади>>

Россиянинг «Россия 1» федерал телеканали орқали тез орада Ўзбекистон ҳақида ҳикоя қилувчи 25 қисмдан иборат «Шарқ афсоналари» сериали эфирга узатилади. Бу ҳақда фильм режиссёрларидан бири Рустам Саъдуллаев Sputnik нашрига берган интервьюси чоғида маълум қилган.

2016 йилда Ўзбекистоннинг 18 олийгоҳида аттестациядан ўтказилади>>

Давлат тест маркази 2015-2016 йилларда аттестациядан ўтказиладиган олий ўқув юртлари рўйхатини эълон қилди.

Ўзбекистонда тадбиркорлик учун ер майдонлари энди танлов асосида тақдим этилади>>

Вазирлар Маҳкамасининг 2015 йил 7 октябрдаги қарорига биноан, 2016 йил 1 январдан аҳоли пунктларида жисмоний ва юридик шахсларга доимий фойдаланиш мақсадида тадбиркорлик фаолиятини олиб бориш учун 1 гектаргача бўлган ер участкалари фақатгина танлов асосида тақдим этилади.

Ўзбекистонда 2016 йил 1 январдан бошлаб корхоналарнинг электр ва газ тармоқларига уланиши осонлаштирилади>>

Ўзбекистонда 2016 йил 1 январдан бошлаб корхоналарнинг электр ва газ тармоқларига уланиши осонлаштирилади. Бу ҳақда «Экономическое обозрение» журнали хабар тарқатмоқда.

Ўзбекистонда 2015 йилда 18 млн тонна мева-сабзавот етиштирилади>>

Ўзбекистон 2015 йилда 18 млн тонна мева ва сабзавот маҳсулотлари, жумладан, сабзавотлар (умумий миқдорнинг 53 фоизи), мевалар (15 фоиз), картошка (14 фоиз), полиз маҳсулотлари (10 фоиз) ва узум (8 фоиз) етиштиришни режалаштирмоқда.

Ўзбекистонда давлат хизматчилари учун очиқ танловлар жорий қилинади>>

Ўзбекистонда давлат бошқаруви ва ҳокимияти органларига ишчиларни қабул қилиш тартибининг қонуний базасини янада такомиллаштириш борасидаги бир қанча таклифлар ўрганиб чиқилмоқда. Бу ҳақда маҳаллий матбуотда хабар қилинди.

Депутат: Дабдабали тўйлар диний меъёрларда кўзда тутилмаган>>

Ўзбекистонда дабдабали тўйлар ва оилавий тадбирларни қисқартириш кампанияси давом этмоқда. Бу сафар “Миллий тикланиш” партияси Самарқанд вилояти кенгаши депутати Моҳира Ўтаева бу борадаги фикрларини айтиб чиқди.