Хитой пойтахти Пекин шаҳрида теннис бўйича соврин жамғармаси 3 944 715 АҚШ долларини ташкил этувчи йирик турнир якунланди. Мусобақанинг ҳал қилувчи финал учрашувида сайёрамизнинг биринчи ракеткаси Новак Жокович ҳамда турнирда учинчи рақам остида ҳаракат қилган Рафаэль Надаль ўзаро тўқнаш келишди.

Сербия ва Испания вакиллари ўзаро 45-маротаба бир-бирларига қарши кортга чиқишди. Роппа-роса бир ярим соат давом этган баҳсда Жокович рақибини ортиқча қийинчиликсиз икки сетда ҳам бир хил 6:2 ҳисобида таслим этди. Бу ҳақда "Оламспорт.сом" хабар берган

Бу билан у ўзаро учрашувлардаги ҳисобни минимал даражага қисқартирди. Ҳозирда Надаль ўзаро учрашувларда Новакни 23:22 ҳисобида ортда қолдирмоқда. Пекиндаги муваффақият Жоковичга 654,725 доллар мукофот жамғармаси ҳамда 500 рейтинг очкосини тақдим этди.

China Open

Пекин, Хитой

ATP World Tour 500

Мукофот жамғармаси – 3 944 715 доллар

Очиқ хард кортлар

ФИНАЛ

Новак Жокович (Сербия) – Рафаэль Надаль (Испания) 6:2, 6:2