Буюк Британия ҳарбий-ҳаво кучларининг Puma Mk 2 русумидаги вертолёти Афғонистон пойтахти Кобулдаги НАТО базасига қўнмоқчи бўлганда фалокатга учради, деб хабар бермоқда SkyNews нашри.

Фожиа оқибатида 5 киши ҳалок бўлди ва яна 5 киши жароҳат олди. Қайд этилишича, ҳалок бўлганлар афғон жангчиларини ўргатиш бўйича НАТОнинг “Қатъий кўмак” деб номланган ножанговор миссиясининг вакиллари бўлганлар.

Айни пайтга келиб, фалокат қандайдир жанговор ҳаракатлар оқибатида юз бермаганлиги аниқланди. Буюк Британия Мудофаа вазирлиги вакили бахтсиз ҳодиса сабаблари аниқланаётганини маълум қилди.