Хитойлик ўқитувчи полиция унинг уйидан 31,5 кг миқдоридаги гиёҳванд моддалар топганидан сўнг метамфетамин тайёрлагани учун ҳибсга олинди, дея хабар берди The Telegraph.
Шунингдек, унинг уйидан сунъий наркотик моддасини тайёрлаш учун зарур бўлган 200 кг кимёвий моддалар ҳамда қўлбола лаборатория мавжудлиги аниқланган.

Гуанси провинциясида яшовчи 35 ёшли Лу 2015 йил март ойидан буён кузатув остида бўлган.

Қўлга олинган шахс 2012 йилга қадар мактабда ўқитувчилик қилган. Нашр маълумотларига кўра, Лу гиёҳванд моддаларга ружу қўйгани сабабли ушбу жиноий фаолиятини бошлаган.
Хабар қилинишича, айни пайтда Хитой сунъий гиёҳванд моддалар ишлаб чиқариш ва экспорт қилиш бўйича дунёдаги етакчи мамлакат ҳисобланади.