10 октябрь куни Туркия тарихидаги энг қонли теракт туфайли ҳалок бўлганлар сони 97 нафарни ташкил этмоқда. Бу ҳақда Туркия бош вазири маъмурияти қошидаги мувофиқлаштирувчи марказ томонидан маълумот тарқатилган.

Айни вақтда тиббиёт ходимлари ҳалок бўлган 92 кишининг шахсини аниқлаган, 91 кишининг жасади қариндошларига жўнатилган.

Хабар қилинишича, ҳалок бўлганлар орасида 1 нафар фаластинлик ҳам бор.

Яна 5 кишининг шахси ДНК текширувидан кейин аниқланиши кутилмоқда.

Айни вақтда шифохоналарда Анқарадаги теракт туфайли жароҳатланган 160 нафарга яқин киши шифокорлар назорати остида бўлиб турибди.

Эслатиб ўтамиз, 10 октябрь куни Туркиянинг Анқара шаҳри марказида курдлар томонидан "Тинчлик ва демократия учун" шиори остида мамлакат ҳукуматига қарши норозилик намойиши учун йиғилган ҳудудда худкуш-террорист томонидан 2 марта теракт содир этилган эди.

Туркияда курдлар манфаатларини ҳимоя қилувчи Халқ-демократлар партияси Анқарада содир этилган портлашлар оқибатида ҳалок бўлганлар сони 128 нафарга қадар ошганини маълум қилганди.