Ўзбекистон ҳукумати Uzbekistan Airways учун 2015 йил тўртинчи чораги якунлари бўйича қўшимча қиймат солиғини тўлаш муддатлари узайтирилганини тасдиқлади, дея хабар бермоқда Sputnik.

Ҳукумат компанияга мазкур давр учун қўшимча солиқларни 2016 йил давомида тенг улушларда тўлашга ижозат берди. Бунда компания Ўзбекистон аэропортларида самолётларга авиацион керосин қуйишдан олинадиган даромадлар учун мажбурий тўловларни амалга оширишдан бутунлай озод қилинди.

Ҳукуматнинг мазкур қарори парвоз техникалари бўйича тузилган шартнома юзасидан кредитларни ўз вақтида тўлаш зарурияти билан боғлиқ бўлиши мумкин. 2016 йилда миллий авиаташувчи бирданига иккита Boeing 787 Dreamliner`га эга бўлади.