Madridning "Real" klubi zaxira murabbiyi Zayniddin Zidan jamoaning portugaliyalik hujumchi Krishtianu Ronaldu borasida gapirib o‘tdi. Bu haqida Le Figaro nashri xabar tarqatdi.
"Ronaldu har bir mavsumda 50-55ta gol urmoqda va uni qanday qilib odam deyish mumkin? Uni shug‘ullanayotgan vaqtida bir ko‘ring?! Hatto, mashg‘ulotlarda ham gol urgisi kelaveradi.
Rasmiy o‘yinlarda gol ursa quvonib nishonlaydi. U gol urishdan to‘xtamaydi. Chunki, KriRo ishlashda davom etadi va Messi bilan raqobat qilaveradi.
Uning bu qadar to‘purarligi, boshqalardan bitta gol bo‘lsa ham ko‘proq urish niyati bilan bog‘liqdir", - deydi Zidan.
Eslatib o‘tamiz, oktabr oyi avvalida Ronaldu "Real" tarixidagi eng yaxshi to‘purarga aylangandi. U shu vaqtgacha jamoasi safidagi 308 o‘yinda 324ta gol urdi.
Joriy mavsumda Ronaldu "Real" bilan 9ta o‘yin o‘tkazdi va 10ta gol urdi.