2015 йилда “Қозоғистон” бренди 6 фоизга қимматлашиб, 164 дан 175 млрд долларгача кўтарилди. Мазкур маълумот Brand Finance компанияси томонидан тузилган мамлакатлар брендлари рейтингида намоён бўлди, дея хабар қилди Nur.kz.
Қўшни республика ўз кўрсаткичлари билан рўйхатнинг 44- қаторидан ўрин эгаллади.
19 трлн 703 млрд долларга баҳоланган АҚШ бренди бу борада ҳам етакчи бўлди.
Brand Finance мамлакатлар бренди рейтингидаги нархлар мажозий маънога эга бўлиб, уларни реал пул маблағларига айлантириш имконсиз эканини яшириб ўтиришмади. Бироқ ушбу рўйхатнинг хорижлик сайёҳлар ва инвесторларни ўзига жалб этишда таъсир кучига эга экани қайд этилди.