Европа Иттифоқи Беларусь президенти Александр Лукашенкога нисбатан киритилган санкцияларни 4 ойга бекор қилишга қарор қилди. Бу ҳақда ТАСС ахборот агентлиги маълум қилди.

Бу ҳақда Франциянинг Европа ишлари бўйича давлат котиби Арлем Дезир маълум қилди.

Аввалроқ Германия ташқи ишлар вазири Франк Вальтер Штайнмайер Лукашенкодан санкцияларнинг вақтинчалик олиниши қарори Беларусдаги президентлик сайловларидан кейин қабул қилинишини айтган эди. Бундан ташқари, дипломатик манба маълумотларига кўра, Европа Иттифоқи кенгаши август ойида Беларусда афв этилган 6 нафар сиёсий маҳбус ва Минскнинг Украинадаги ихтилофни ҳал қилишдаги кўмаги сабабли Лукашенкодан санкцияларнинг олиниши мумкинлиги ҳақида фикр билдирган.   

Маълумот учун, Александр Лукашенко 11 октябрда Беларусдан ўтган президент сайловларида 83,49 фоиз олди ва 5-муддатга ўзида президентлик ваколатларини сақлаб қолди.