Европа Иттифоқининг хорижий ишлар ва хавфсизлик сиёсати бўйича олий раиси Федерика Могерини Суриянинг амалдаги президенти Башар Асад билан музокаралар БМТ бошчилигида ўтиши кераклигига ишончи комиллигини айтди. Бу ҳақда РИА “Новости” ахборот агентлиги маълум қилди.

“Биз БМТ махсус вакили Стаффан де Мистуранинг саъй-ҳаракатларини тўлиқ қўллаб-қувватлаймиз. У Асад билан музокаралар олиб бормоқда ва Асад тузуми вакиллари БМТ бошчилигида музокаралар столи атрофида ўтиришлари керак”, деб таъкидлаб ўтди Могерини.

Могеринининг фикрича, БМТ жараённинг иштирокчиларидан бири билан, Европа Иттифоқи эса қолган иштирокчилар билан музокаралар олиб борилишини назорат қилиши мумкин.