Гватемаланинг Санта-Катарина-Пинула муниципалитетида 3 октябрь куни юз берган ер кўчкиси туфайли 280 кишининг ҳалок бўлгани тасдиқланди. Бу ҳақда мамлакат бош прокуратураси томонидан маълум қилинган.

Бу маълумотларга кўра, 100га яқин киши бедарак йўқолган, деб ҳисобланмоқда.

Эслатиб ўтамиз, 3 октябрга ўтар кечаси мамлакат пойтахтидан 15 км масофада жойлашган Камбрай-2 қишлоғида ер ўпирилиши юз берган, бу ҳодиса туфайли 200та уй тупроқ остида қолган.

Мамлакат президенти Алехандро Мальдонадо уйсиз қолган аҳоли учун янги уйлар қуриб берилишига ваъда қилган.

"Биз тез орада қурилиш ишларини бошлаймиз. Ҳар бир оила учун 50 кв м (6х15 м) майдондан иборат ҳовли берилади", дейди президент.

Маълум қилинишича, янги уйлар қурилиши учун 2 млн доллар маблағ сарфланади.