Тошкент шаҳридаги Республика олимпия захиралари теннис мактаби кортларида “Челленжер” туркумига кирувчи, мукофот жамғармаси 125 минг доллардан иборат бўлган турнирнинг асосий тўр баҳслари давом этмоқда.

Биринчи кунги баҳсларда Ўзбекистоннинг иккинчи рақамли теннисчиси Фаррух Дўстов Босния ва Герцеговиния вакили Алдин Сеткични мағлуб этиб, иккинчи босқичга йўлланма олганди.

Бугун, 13 октябрь куни эса мамлакатимизнинг биринчи рақамли теннисчиси Денис Истомин беларусь вакили Уладжимир Игнатикка қарши кортга чиқди.

Истомин бу баҳсни 6:4, 7:6 ҳисобларида ўз фойдасига ҳал қила олди.

Денис Истомин - Уладжимир Игнатик 2:0 (6:4, 7:6.)