КХДР Корея меҳнат партиясининг 70 йиллигини нишонлашда давом этар экан, ҳарбий параддан сўнг дельфинлар иштирокида шоуни намойиш этди. Бу ҳақда Sky News хабар берди.

Ташриф буюрганлар шоуни тик оёқда томоша қилишди, энг яхши жойларни эса Шимолий Корея халқаро оммавий ахборот воситалари ходимлари учун ажратиб берди.

Нашр маълумотига кўра, дельфинария учун арена қурилишини КХДР етакчиси Ким Чен Иннинг шахсан ўзи назорат қилиб турди. Дельфинлар чиқишидан сўнг Пхеньян аҳолиси кенг миқёсли мушакбозликка гувоҳ бўлишд.

Эслатиб ўтамиз, 10 октябрь куни Шимолий Корея пойтахти Пхеньян шаҳридаги Ким Ир Сен майдонида Корея Меҳнат партияси ташкил топганига 70 йил тўлиши муносабати билан ҳарбий парад бўлиб ўтди. Трибунада парадни мамлакат раҳбари Ким Чен Ин, давлат мулозимлари, шунингдек, Хитой Коммунистик партиясининг сиёсий бюроси фахрий аъзоси Лю Юньшань биргаликда кузатиб борди.