АҚШ президенти Барак Обама маъмурияти Россиянинг Сурия ихтилофига аралашуви биринчи навбатда Владимир Путинга зиён келтиришини таъкидлаганда ҳақ бўлиб чиқиши мумкин.

Аммо, Los Angeles Times колумнистининг фикрича, айни пайтда Россия минтақавий етакчи эканлигини кўрсатиб бера олган ва АҚШнинг Яқин Шарқдаги ҳаракат майдонини сезиларли чеклаб қўйган.
Мақола муаллифининг таъкидлашича, Обама маъмурияти ё Путиннинг режаларидан бехабар бўлган, ёки уни фикридан қайтара олмаган.

Шунингдек, айни пайтда Давлат Департаменти Россия АҚШнинг яқин иттифоқчиси бўлмиш Ироқ билан алоқаларни мустаҳкамлаб, разведка маълумотлари алмашишни йўлга қўйганидан ташвишга тушмоқда.
Эндиликда, таҳлилчининг ўйлашича, АҚШ Россияни ихтилофдан чиқара олмайди. Аммо у иттифоқчилари билан жипслашган ҳолда ИШИДга қарши кураш иши Москва манфаатларига хизмат қилишини бартараф қилиши мумкин.