Мексика штатларидан бирининг собиқ губернатори Колима шағридаги ресторанда 2 нафар қуролланган шахснинг ҳужумига йўлиқди.

Айни вақтда унинг аҳволи оғирлиги, лекин унинг ҳаёти сақлаб қолингани айтилган.

Маълум қилинишича, Фернандо Морено Пенья Колимадаги университетда аввал декан бўлиб ишлаган шахс билан овқатланиш учун ресторанга келганида 2 нафар қуролли шахс унга қарата ўт очишган. Натижада собиқ амалдор олти жойидан жароҳатланган.

Ҳужум қилувчилар зудлик билан воқеа жойини тарк этишган ва уларни топишнинг иложи бўлмаяпти.

52 ёшли Фернандо Морено Пенья 1997 йилдан 2003 йилгача Колима штатини бошқарган.

Ушбу штатдаги портда гиёҳвандфурушлик билан шуғулланадиган жиноятчилар гуруҳи ин қурган.

Қайд этиш керакки, Пеньядан кейин штатга губернатор бўлган Густаво Васкес шубҳали авария туфайли ҳалок бўлган, ундан кейинги губернатор Иисус Кавазос 2010 йилда ўлдириб кетилган.

Маълумотларга кўра, 2007 йилдан буён Мексикада ҳукумат кучлари ва жиноятчилар ўртасидаги тўқнашувлар туфайли 100 мингдан ортиқ киши ҳалок бўлган.