Малайзиянинг Украина устида уриб туширилган Boeing-777 самолёти ҳалокатини тафтиш қилган халқаро экспертлар гуруҳининг аниқлашича, самолёт 2014 йилнинг 17 июль куни “Бук” зенит-ракета комплекси ракетаси билан уриб туширилган.
Бу баёнот Нидерландия хавфсизлиги кенгашининг сешанба куни Гаагада оммалаштирилган якуний ҳисоботида акс этди.
Ҳужжатда айтилишича, ракета учувчи кабинасига чап томондан ёриб кирган. Ракета портлаганидан сўнг самолётнинг бош қисми фюзеляждан ажралган.
Ўз навбатида, “Концерн ПВО "Алмаз - Антей" МЧД бош директори Ян Новиков шу бугуннинг ўзида эълон қилинган ҳисоботида Boeing-777 Украина назорати остидаги ҳудуддан уриб туширилганини маълум қилди. Айтилишича, буни аниқлаш учун компания мутахассислари рўйхатдан чиқарилган самолётда амалий тажриба ўтказишган.