“Оила даврасида” газетаси саҳифаларидан тўй-маъракалардаги исрофгарчилик ҳамда “увол” тушунчасининг унутилиб бораётгани масаласига бағишланган материал эълон қилинди.

“Исрофгарчилик катта гуноҳ саналади, - деб ёзади муаллиф. – Увол қилиш эса баракани кетказади. Аммо бугун бу каби қадриятларимизнинг эътибордан бироз олисда қолиб кетаётгандек. Ёшлар-ку, майли, ёш, улар бундай гаплардан бехабар-да, деймиз. Лекин отахон-у онахонлар, кўпни кўрган кайвонилар, тўйбошилар ҳам уволга арзимас нарса деб қарайдиган бўлиб қолишган”.

Муаллифнинг фикрича, йўл қўйилаётган исрофгарчилик оқибатида бу қадрият унутилиб кетиши мумкин.
“Агар шу зайлда кетаверадиган бўлсак, ёшлар бунақа тушунчаларни бора-бора эртак деб қабул қилиши аниқ”, - дейди у.