Ўзбекистон соғлиқни сақлаш вазирлиги “Кўп ихтисосли болалар тиббий марказини яратиш” лойиҳаси доирасида ушбу марказда ишга жойлашадиган мутахассисларнинг Корея Республикасида таҳсил олиши кўзда тутилганини маълум қилди.
Шу билан боғлиқ равишда Пусан Миллий университети Янгсан шифохонасида бир йиллик таҳсил олиш учун мутахассислар ўртасида қуйидаги йўналишларда танлов эълон қилинди:
1. Болалар кардиологияси;
2. Болалар юрак-томир жарроҳлиги;
3. Болалар неврологияси;
4. Болалар нейрожарроҳлиги;
5. Болалар жарроҳлиги (кам инвазив жарроҳлик);
6. Болалар ортопедияси;
7. Болалар офтальмологияси;
8. Болалар эндокринологияси;
9. Болалар нефрологияси;
10. Болалар аллергияси, респиратор ва критик ёрдам;
11. Болалар инфекцияси ва клиник иммунология;
12. Болалар гастроэнтрологияси ва нутрициологияси;
13. Болалар пластик жарроҳлиги;
14. Болалар радиологияси;
15. Болалар анестезиологияси;
16. Болалар гематологияси ва онкологияси;
17. неонатология ва критик ёрдам;
18. Болалар реабилитацияси;
19. Лаборатория тиббиёти.
Танловда иштирок этиш учун инглиз тилини билиш шарт. Танлов бўйича саралаш Пусан Миллий университети вакиллари томонидан ўтказилади.