Швецияда соқол қўйган шведлар клуби аъзолари қора байроқ билан суратга тушаётган пайтда воқеа жойига полиция ташриф буюрди. Ҳуқуқ-тартибот муассасалари ходимларини деразаси тагида террорчилар йиғилаётганини таъкидлаган маҳаллий вакил чақиртирган. Бу ҳақда The Local нашри хабар бермоқда. 

“Швеция соқолли ёвузлари” деб номланган ушбу ташкилот “адолатсизлик, таҳқирлашлар ва ирқчиликка” қарши кураш олиб боради ва қуюқ соқол қўйган эркаклардан ташкил топган. Полицияни чақиртирган гувоҳ соқолли эркаклардаги қора байроқни ИШИД байроғи деб қарор қилган.

Воқеа жойига етиб келган полициячилар гап террорчилар ҳақида кетмаётганини дарров фаҳмлаганлар.

“Полиция шунчалик тез ортига қайтиб кетдики, ҳаттоки биз машиналарни нотўғри қўйганимизни ҳам пайқамади”, деб айтмоқда клуб аъзоларидан бири.

Соқол қўйган эркаклар бу ҳолатни юмор билан қабул қилишган.