Германиянинг Volkswagen бренди йиллик инвестициялар ҳажмини 1 млрд долларга қисқартиради. Компания матбуот хабарномасида айтилишича, эндиликда бу маблағ экологик тоза ишланмаларга йўналтирилади.

Раҳбарият энг қисқа муддатда Шимолий Америка ва Европа бозорларига етказиб бериладиган барча автомобилларни SCR (селектив каталитик нейтрализация, чиқинди газлардаги азот оксидларини икки атомли азот ва сувга бўлишга ёрдам беради) ва AdBlue (SCR қўллайдиган реагент) технологияларига ўтказишга топшириқ берди.
Илгарироқ Volkswagen 11 млн дона машинада экологик тозалик даражасини нотўғри кўрсатувчи дастурий таъминот ўрнатилганини тан олган эди.